POLICE STATE?

ANA: "Noong panahon ng martial law ni Ferdinand Marcos eh meron siyang slogan - (Para sa ikauunlad ng bayan, disiplina ang kailangan) - at OBLIGADONG disiplinado ang lahat ng matitigas-ang-ulo, otherwise, community servise ang katapat mo bukod pa sa multa."

LISA: "Ibig mong sabihin 'ga, babaguhin ang Constitution at ira-ratify ng Pinoy para gawing POLICE STATE ang Pilipinas at nang madisiplina ang Pinoy? Sabagay, walang Presidente ang makagagawa ng CHACHA maliban kay PNoy, I'm sure."

CION: "Hhmmm, puede. Para magkaroon ng totoong PRENO at masagkaan ang katigasan-ng-ulo ng Pinoy. Kumpleto naman kasi tayo ng mga batas sa traffic pero ginagawang sangkalan lang ng mga otoridad para sa KOTONG, o, 'di ba?" 

P438 MONTHLY RIGHT OF WAY FEE

ANA: "Uy, medyo natumbok ni Neal Cruz sa kanyang kolum yung raket ng water firms na pandurugas sa mga water consumers, partikular sa tinitirhang subdivision nina Sir Leo sa Palmera 2, Taytay, Rizal. Magkaroon pa kaya ng REFUND 'yon?"

LISA: "Oo nga, 'ga. Noong May 13, 2010 kasi at kapapanalo ni PNoy bilang new president eh nagsampa kaagad si Sir Leo, bilang corporate secretary ng Palmera II Homeowners' Assn., Inc. (PHAI), ng criminal case vs Manila Water, Prime Water at pekeng PHAI dahil sa kanilang continuing illegal collections. Pero dinismis ang kaso ni Pros Gen Claro Arellano ng DOJ nitong nakaraang Mayo lang."  

CION: "Ah, 'yan ang judicial parlance na PALUSOT o teknikalidad. Pero ang malinaw eh saksi umano si Sir Leo na merong brandnew cars ang mga fi(x)cals na humawak ng imbestigasyon at rekomendasyon para idismis ang naturang kaso. Hellooww, DOJ Sec Leila de Lima, madam plss, UMAASA po ang 980-member homeowners' association sa kanilang refund."

POLITICAL TURNCOATISM?

ANA: "Ate, 'yun bang political parlance na turncoatism eh kagaya rin ng ibig sabihin ng political butterfly?"

LISA: "Korek - the same pareho ang ibig sabihin niyan. Uso na naman ang mga gawaing ganyan habang papalapit ang eleksiyon."

CION: "Eh pa'no, wala pa namang batas na nagbabawal sa political turncoatism o political butterfly, kaya posibleng magsanib ang LP at ang NP. Remember, si Bongbong Marcos is under NP na (personal) na merong hidwaang namamagitan sa kanila ni PNoy, o, 'di ba?"

POLICY OF NO CONTINUITY

ANA: "Uy, bago 'yung kasabihang 'yon ni Neal Cruz, ah. Naintindihan mo ba'ng ibig sabihin ng policy of no continuity?"

LISA: "An'dali-daling maintindihan no'n, 'di mo alam? Ang ibig sabihin ng kasabihan ni Neal Cruz, eh, walang SOP !!!"

CION: "Korek ka r'yan, 'Day. Ang S O P o standard operating procedure eh parlance ng mga corrupt gov't officials at contractors na nagpapagawa ng gov't projects particularly under DPWH. It means - money, pera, kuarta, dolyar, yen, pound, atbp."

SPECIOUS

ANA: "Oy 'ga, 'lam mo sabi ni CDQ - (The notion that presidents probably need more than one term to do what they have to do is SPECIOUS.)"

LISA: "Alam ko'ng ibig sabihin ng SPECIOUS - apparently correct or true, but actually wrong or false, o, 'di ba tama?"

CION: "Korek ka r'yan, kasi, except for Cory and PNoy, noong panahon nina Tabako, Erap at Ate Glo eh nakitaan silang 3 ng pagwawaldas ng taxes. Ito'y corruption o pagnanakaw sa kaban ng bayan, o, 'di ba? 'Tapos gusto pa sanang humirit ng extension sa presidency."  

SEARCH FOR CJ

ANA: "Hoy, Inday! Kung pamimiliin ka, sino kina Rene Saguisag, Raul Pangalangan o Leila de Lima ang sa akala mo eh karapat-dapat na chief justice?"

LISA: "Ay, wala akong pipiliin sinoman sa kanila. Bagkus eh, ipananalangin kong silang tatlo na nga sana ang mapipiling rekomendado mula sa short list ng JBC na isusumite kay PNoy, o, 'di ba?"

CION: "Korek ka r'yan 'ga. Si PNoy lang kasi ang bukod-tanging persona, batay sa Saligang-Batas, upang pumili mula sa short list ng susunod na CJ ng walang impluwensiya na manggagaling kaninoman, maliwanag?"  

EJE - ERAP, JOJO, ENRILE TRIUMVIRATE

ANA: "Oy, alam mo bang ang EJE eh katunog ng salitang tagalog na IHI? Para kasing pinatutungga ng ihi si Sen Koko Pimentel nina Erap, Jojo at Enrile para manatili sa kanilang hanay."

LISA: "Kung sabagay, tinanggap ni Koko ang vituperation ni Erap sa kanya, kaya lang, 'di masikmura talaga ni Koko na ihalo siya sa linya ng nagnakaw sa kanyang puwesto sa Senado ng apat na taon."

CION: "Prinsipiyo kasi ang pinag-uusapan dito, hindi kasiguruhan ng panalo sa eleksiyon na gustong isangkalan ni Erap. Ang maliwanag, MAPANGHI ang EJE sa mga botante!!!"