NANGINGIBABAW

ANA: "Bukod sa unang 5 senatong at 23 tongressmen, si Ate Glo, si ex-Omb Merci Gutierrez , gayun din sina Sen Tolits at Tito Sen, lahat sila eh katulad ng hinihigop na kape ni Robin Padilla - nangingibabaw - 'di ba?"

LISA: "Hindi ko masyadong maintindihan ang salitang nangingibabaw. Ibig mo bang sabihin eh laging nasa ibabaw ni ex-FG si Ate Glo kapag natutrulog silang dalawa sa kuwarto?"

CION: "Heh! Corrupt 'yang isip mo. Ibig sabihin ng nangingibabaw eh KITANG-KITA at hindi na maitatago pa sa ilalim ang tindi ng corruption na nakapulapol sa mga personang binanggit ni Ana. Mismong si Omb Conchita na rin ang nag-anunsiyo sa social media ang nangingibabaw na corruption din ng mga taga-Ombudsman. O, kitam?"

"KILLING ME SOFTLY"

ANA: "Napapansin mo rin ba 'ga na unti-unti nang nakikilala ng Pinoy ang mga corrupt na legislators thru social media na tila bagang mga lintang humihigop mula sa kanilang PDAF, 'gaya nina Sen Tolits, Tito Sen at Rep Ungab?"

LISA: "Palagay ko eh 'yan ang resulta ng tahimik na TARBAHO ng Malacanang. Kasi, matapos ang big-bang sa SONA, eh ang tungkol naman sa maneobra ng PDAF ang unti-unting ipinupublika sa Internet para PAHIYAIN ang mga corrupt, ke sino man ang tatamaan, o, 'di ba?"

CION: "Korek ka r'yan 'day. Ang pakiramdam ngayon ng bawat legislator na a la drakula kung sumipsip ng kanyang PDAF eh (killing-me-softly) dahil sa tindi ng kahihiyan (kung meron) porke unti-unti silang inilalantad sa Internet sa kanilang modus-operandi ng pangungulimbat mula sa taxpayers' money, o, getz mo?"

$53M IN JEWELS STOLEN

ANA: "Magkano kaya ang equivalent ng $53M sa Phl peso na halaga ng sari-saring klase ng alahas na ninakaw sa Carlton Intercontinental Hotel, Canes, Paris? Sige nga kung kaya mong kuwentahin ng walang calculator!"

LISA: "Call! Susubukan ko. Approximately, $53M is equivalent to 40 million euro is equivalent to PHP2.3 billion, o, 'di ba? 'Lamobang 'yung istilong pagtakas from jail ng kawatang Pink Panther ng Paris eh 'gaya rin ng istilo ng Ozamis Gang ng Phl?"

CION: " Bilib din ako sa likot ng imahinasyon mo 'day. Ang pagkakaiba lang marahil ng Ozamis gang sa Pink Panther eh merong kakutsabang pulis ang Ozamis gang. Sila'y kusang PATATAKASIN mula sa kulungan para mangholdap, 'tsaka isa-salvage pag'tapos makapang-holdap at MAISUBI sa pulis ang P20M cash at bulto-bultong nakaw na shabu. Mismo!!!"

PDAF POWERFUL INDUCEMENT TO CORRUPTION

ANA: "Ang alam ko eh kapwa Pampanguenyo sina Sir Randy at Sen Tolits, pero sadyang DINAPURAK ni Sir Randy ang karangalan ng senador dahil sa corruption, tama ba 'yon?"

LISA: "Para sa akin eh tama 'yon. Iniisip marahil ni Sir Randy na si Ate Glo eh taga-Pampanga rin at kasalukuyang naka-hospital arrest dahil din sa corruption, o, 'di ba?"

CION: "Siempre, ayaw pagtakpan ni Sir Randy ang mga sikat pero corrupt niyang ka-probinsiya porke baka pati ibang sikat at 'di corrupt na Kapampangan eh duduruin din ng mga Pinoy gamit ang kanilang middle-finger, o, getz mo?"

CONTRACT TO SALVAGE?

Noong Lunes ng umaga (July 15) ay lumabas kami at iniwan naming mag-asawa na walang tao ang aming bahay. Pag-uwi namin kinahapunan ay ipinagbigay-alam ng aming kapitbahay na merong kumakatok sa aming bahay habang kami'y wala, na nakasuot ng barong-tagalog, at hinahanap umano ang isang nagngangalang CARLOS MANGONA.

Sinabi ng aming kapitbahay sa kumakatok na nakasuot barong-tagalog, na walang ganoong pangalan ang nakatira sa aming bahay.

Kahapon ng umaga (July 24) ay muling may kumatok sa aming bahay na naka-motorsiklo at nakasuot ng jacket a la-delivery boy ng pizza pie habang kipkip ang fullface na helmet. Namukhaan ng aming kapitbahay ang nasabing Rider na siya rin ang nakabarong na kumakatok sa amin noong July 15.

Tinanong ko siya kung ano ang kailangan niya at sinabi niyang under contract daw ang kanilang opisina ng BFS para maghatid ng sulat sa mga kliyenteng tulad ng hinahanap niyang si Carlos Mangona.

Nilinaw ko sa Rider na si Carlos Mangona ay ang dating registered owner ng aking property at ibinigay ko sa Rider ang nakatalang address ni Mangona mula sa dating kopya ng TCT - #66 Juana Rodriguez, New Manila, QC. Idinagdag ko pa sa Rider na si Carlos Mangona ay isa lamang FICTITIOUS na tao.

ANA: "Ano na ba kasi ang balita sa land grabbing case na idinulog sa NBI ni Sir Leo vs Balikatan a.k.a. BFS? Noon pang December 2012 nai-file 'yon, bago pa mangyari ang Atimonan massacre at ang Ozamis gang massacre. Ano ba 'yan!!!"

LISA: "Bitin nga eh sa sobrang bagal. Kase, an'lalake ng mga pangalang involved kaya naman siguro ingat-na-ingat ang NBI na maglabas ng ura-uradang Resolution sa kasong Syndicated Estafa na walang piyansa. Huwag naman sanang abutan ng Contract-to-Salvage si Sir Leo, noh???"

CION: "Sa English, ang salitang Salvage means, the act of saving any goods or property in danger of damage or destruction. Ibig sabihin sa tagalog - TIGOK. Ang mga tao kasing involved sa kasong ito, batay sa more than 200 pages of documentary evidence na hawak ni Sir Leo (including House Committee records), eh sina: Gloria Arroyo, Noli de Castro, Augusto Santos, Joseph Peter Sison, Federico Y. Cadiz, Jr at kakutsaba ang RTC-Antipolo, Register of Deeds-Binangonan at ang Land Registration Authority." 

GOSPEL TRUTH

ANA: "Sabi ni DOJ Sec Leila konektado raw ang operation vs druglord Dy and his wife at ang pagtigok kina Cadavero at Panogalinga ng pulis-Calabarzon under CIDG?"

LISA: "Gospel truth daw 'yang anggulo na 'yan, ayon pa sa NBI, kasi, inamin na hawak umano nila ang isang jaguar at isang hardinero bilang witnesses para isasailalim sa WPP vs PNP. Perplex (tarantado) ngayon ang mga pulis sa pangunguna ni S/Supt Jomari Espino kung saan nila itatago ang P20-M cash at 80 kls ng shabu na kinulimbat mula sa druglord!!!"

CION: "Naramdaman ni CPNP Alan na medyo rankled (asar) si PNoy ngayon sa PNP dahil sa magkasugpong na kaso ng rubout at shabu vs CIDG. Kung hindi titino ang ginagawang salvaging ng PNP, matulad din kaya ang CPNP kina Nangel at David na IBINASURA ni PNoy? Sana naman Lord!!!"

BOTH ARE NOT PERFORMERS?

ANA: "O, kitam Ruffy? Mas kapani-paniwala ang paghatag ng resignation-letter ni Danny Lim ke PNoy porke pirmado 'to. Hindi 'gaya ng ginawa mong kunwa-kunwariang resignation sa pamamagitan ng text. Ano ba 'yan!!!"

LISA: "Oy, 'yang puso mo 'ga, relaks lang. 'Yung mga palipad-hangin o palusot na paliwanag ni Ruffy sa publiko eh para lang sa mga batang nasa grade one. Kasi, ang mga Pinoy na kabisado ang alphabet eh alam na scripted ang scenario ni Ruffy at tunay naman 'yung kay Danny, peksman."

CION: "Sa analysis ko eh meron ngang MALA FIDE (w/ bad faith) sa offer of resignation kuno ni Ruffy thru TEXT ke PNoy kumpara sa ginawa ni Danny na pirmado niya at siya mismo ang nagpakita ng kopya sa media. KAPANI-PANIWALA, o, 'di ba?"