CHIZ: REALLOCATE, SUBTRACT OR LINE ITEM BUDGETING

ANA: "Ang galing talagang tumayming ni Sen Chiz, nagbibigay ng puedeng pagpipilian ng mga sasama sa rally ngayong araw re P25.24 billion PDAF. Ang pakulo cum solusyon niya, 1. reallocate o 2. tanggalin o 3. sumunod sa kagustuhan ni PNoy na line item budgeting ang PDAF."

LISA: "Siempre, alin man ang susunding solusyon ng Pinoy para maresolba ang isyu ng PDAF, eh sisikat ng todo sa netizens si Sen Chiz para sa presidential ambition nito sa 2016 elections. Lutang-na-lutang si Chiz a la lagareng atras-abante, kain, o, 'di ba?"

CION: "Pero 'wag naman sanang manguluntoy ang kasiglahang ito ni Sen Chiz sa pagbibigay ng mga suhestiyong, well, multiple choice, para solusyunan ang isyu sa PDAF. Ang ikinababahala ko kase, baka bawiing bigla si Heart ng kanyang parents eh tiyak na tutuwad ang tuwid na isipan ni Chiz, peksman.."

DOUBLE SPEAK

ANA: "Ano ba talaga ang ibig sabihin ng deklarasyon ni PNoy na ina-abolish na niya ang PDAF? Para gumawa uli ng panibagong mechanism na kung tawagin eh LINE ITEM?"

LISA: "Eh ganyan din kasi ang tanong na 'di kayang sagutin ni Sir Randy sa kanyang apo na si Julia. O, ikaw Cion, kung talagang matalino ka, 'lamo ang sagot? Sige nga, explain mo kung na-abolish na nga ang PDAF?"

CION: "Korek. PDAF is abolished but not Pork Barrel, o, 'di ba? Ganito kasi 'yun, wala na talaga ang PDAF na dumaraan sa mga sabsaban o NGOs, pero naroroon pa rin sa national budget ang pondo ng Pork Barrel na ang kontrol ng pamumudmod para sa mga kakosa eh hawak ng DBM. "Yun lang!!!"

TO DIFFUSE?

ANA: "Sabi ni Mareng Winnie, a la cowboy-injun daw ang istilo ng mga bright boys ni PNoy para mapigil ang pagdagsa ng netizens sa Luneta para sa picnic rally for the abolition of PDAF called Pork Barrel sa Lunes, August 26?"

LISA: "Batid naman kasi ng PNoy bright boys ang magiging EPEKTO ng matinding galit ng netizens re PDAF scam, eh parang pinayuhan pa nila si PNoy na testingin muna baka ubra pang mapigil ang rally sa Lunes. Kaya nga naglabas ng anunsiyo si PNoy kahapon na ina-abolish na niya ang PDAF, 'di ba?"

CION: "Pero ayon ke Mareng Winnie eh, PDAF ang in-abolish ni PNoy at hindi ang Pork Barrel. Kung iintindihing mabuti, tinanggal nang tuluyan ni PNoy ang TAGAS ng PDAF na sinasahod ng sabsaban (read: NGOs) para sa bulsa ng legislatongs. Samantala, ang pork barrel nama'y mananatili as line items for projects. Ang gulo-gulo, 'di ba?"

ERAP: GO AHEAD, PROTEST VS PORK

ANA: "Oy, 'lamobang bumilib ako ke Mayor Erap kasi pinayagan niyang magMobRally kahit walang permit ang mga kasangga natin sa Lunes, Agosto 26, sa Luneta re PDAF abolition?"

LISA: "Tama 'ga. Kaya lang eh umuuki-ukilkil sa utak ko kung pa'no sasanggahin ni Erap ngayon ang pagkakadawit ng anak, Sen Junggoy, na kasamang sumabsab ng 4 pang senatong at 23 tongressmen sa P10B pork barrel  na ibinubuhos ni Janet Lim-Napoles sa inimbento nitong sabsaban para sa kanyang babuyan. Yuck!!!"

CION: "Kung sabagay, ako'y bumilib ding tunay ke Erap, lalo na ng sumagot sa tanong ng Reporter kung ano raw ang advice na ibibigay nito ke Junggoy hinggil sa pagkakadawit sa sabsaban ng PDAF. Sabi ni Erap - (Face the music, just like the way I faced the music) - Natatandaan ko ang music ni Erap - La Paloma."

CUSTOMS REVAMP HALTED

ANA: "Sabi ko na nga ba eh, parang mga kaso rin sa RTC na merong delaying tactics sa release ng mga decision, noh?"

LISA: "Oo nga 'ga, napansin ko rin. Ang alam ko, paldo-paldong kuarta ang karaniwang usapan basta merong iuurong na implementasyon, halimbawa, sa nakatakdang pagsibak sa tarbaho ng mga taga-Customs. Magkano?"

CION: "Kailangan na talagang gumamit ng pusong bato at kamay na bakal si PNoy para sugpuing lubos ang isyu ng pandarambong mula sa taxpayers' money ng mga legislatongs, ng mga taga-custongs at gayundin ng mga negosyanteng ganid at debotong nagkukubli sa saya ng CBCP at INK. Mahaba pa ang 3 taon para tuluyang masugpo ni PNoy ang isyung ito."

IS IT AUTHENTIC OR AUTISTIC? WHICHEVER!

ANA: "Hindi ba kapag na-swak ka sa isang kumunoy, habang pumapalag ka para makaahon do'n eh lalo ka lang mababaon at posibleng malilibing ng buhay sa malapot na putik ng kumunoy?"

LISA: "Ay, sinabi mo. Pero 'di ba lahing Nardong-Putik si Sen Amazing Kap? Siempre, kayang mag-float n'yan sa putik, pero ang problema, dahil sa kulapol ng putik ke Amazing Kap eh hindi makikita na merong pagkakaiba kung authentic ang pirma o autistic ang utak nito, 'di ba?"

CION: "Hinay-hinay naman ang paggamit n'yo ng bokadura noh, nakakasakit kayo ng damdamin. Ang maipapayo ko marahil ke Sen Amazing Kap eh manahimik muna siya re: PDAF issue, 'gaya nina Sens JPE, Junggoy, Bongget, Punasan at 23 pang tongressmen na pawang mas angat ang IQ kumpara ke Amazing Kap, peksman!!!"

FERDINAND CHUA???

Kahindik-hindik ang mga isiniwalat ni netizen mad_as_Hamlet dito sa Disqus. Ito'y sagot marahil ni mad_as_Hamlet sa pinahahabang usapin re: kung sino ba ang talagang bayani, si Ninoy o si Ferdinand Marcos (FM)?

Nagsimula ang career in politics ni FM ng barilin niya ng cal.22 rifle at mapatay ang kapapanalo sa eleksiyong congressman ng Ilocos Norte, Julio Nalundasan, noong 1935.

Natapos naman ang career in politics ni FM ng barilin DAW ni fallguy Galman ng .357 revolver at mapatay sa tarmac ng MIA si Ninoy Aquino noong 1983.

Fact: Ang trajectory ng bala ay pababa mula sa batok at lumabas sa baba habang bumababa si Ninoy mula sa China Airlines, kasunod ang mga PAF soldiers, samantalang si Galman ay nag-aabang sa tarmac sa likod ng nakaparadang blue van ng PAF.

ANA: "Uy, shock na shock naman ako sa revelation ng ka-Disqus ni Sir Leo. Totoo kayang ang tunay na tatay ni FM ay isang lahing Intsik, matalino at well-connected municipal judge na si Ferdinand Chua at hindi si Mariano Marcos?

LISA: "Ibig mong sabihin eh ipinagbubuntis noon ni Donya Josefa si FM mula sa semilya ni Judge Chua ng ITANAN at pakasalan ni Mariano si Josefa? Sigurado ka ba sa tsismis mo, eh baka malibelo tayo, noh?"

CION: "Dagdag pa ng ka-Disqus ni Sir Leo, si Mariano eh isa raw palang Japanese collaborator kaya hinuli ng mga Gerilya ng Ilocos, itinali ang 2 paa sa likod ng 2 kalabaw at 2 kamay sa likod ng 2 pang kalabaw at sabay-sabay na pinaabante ang 4 na kalabaw. Mistulang palaka na nagkaputol-putol si Mariano, bow..."