EX-CJ ART PANGANIBAN: PNOY'S 4 ANGELS

ANA: "Sino-sino raw ba 'yung 4 Angels ni PNoy, ayon ke ex-CJ Temyong, ha? At bakit binansagan silang Angels, meron din ba silang wings na 'gaya ng parrot?"

LISA: "Ang isang Angel na katulad ni Raphael eh merong wings pero invisible at tumatalima sa ipinag-uutos sa kanya ni Lord. Si Angel Raphael ang umalalay ke Tobias na anak ni Tobit para mapangasawa ang kalahing si Sara batay sa ipinag-uutos ni Lord sa kanya, o, 'di ba?"

CION: "Korek ka r'yan 'day, ang g'leng mo sa Bible. 'Yung 4 na Angels daw ni PNoy na sina Conchita, Grace, Leila at Kim, ayon ke ex-CJ Temyong eh, pare-pareho raw sila na merong BALLS at PANININDIGAN pero invisible 'gaya rin ng wings na taglay ni Raphael, na magsisilbing tool o kasangkapan para maparusahan si Janet kasama ang mga legislatongs sa salang pandarambong ng PDAF. O, getz mo?"

LIE MEANS TO SPEAK UNTRUTHFULLY WITH INTENT TO MISLEAD

ANA: "Itong liar o abu gago ni Sen Amazing Kap eh nagtapos din kaya ng kanyang pagka-abu gago sa Wan Bol University? Ano sa palagay mo, ha?"

LISA: "Gano'n na nga ang palagay ko, kase, sinusubukang ilihis ng aTONGni ni Kap na peke ang magkakasamang nasa picture nina Jimmy Napoles, Bong Revilla, Lani Mercado at Janet Lim-Napoles bilang mga ninong-ninang sa kasal nina Roman at Shalani. Sus ginoo!"

CION: "Sa totoo lang noh, naisalang na sa kumunoy si Kap dahil nag-a la parrot siya sa kadaldalan, kasi, nagbibigay siya ng mga pahayag sa media ng extemporaneous o walang pakundangan. Huli ka!"

NO PDAF, NO ROBBER

ANA: "Simple lang naman ang gustong man'yari ni Sir Neal, kasi, sabi niya, kung wala nang PDAF na nanakawin, eh 'di wala na rin daw magnanakaw! Simple, 'di ba?"

LISA: "Hmm, puede. Pero pa'no mababawi no'ng mga nanalo nitong nakaraang eleksiyon ang pinuhunan nila sa gastos ng kanilang kandidatura? Hindi sila papayag siempre na basta na lamang aalisin ang PDAF, I'm sure!"

CION: "Ay sinabi mo! 'Gaya na lang ng inilista ni Mabyrik sa ibaba, heto ang gastos daw ng mga onorabol senatongs nu'ng nakaraang eleksiyon: JV - P138M; Villar - P134M; Cayetano - P131M; Nancy - P129M; Bam - P124M; Grace - P123M; Angara - P120M; Escudero - P120M; Loren - P83M; Pimentel - P75M; Trillanes - P30M; Honasan - P24M. Meron itong suma-total na P1.221 Billion! O, kitam?"

PRESIDENTIAL PORK BARREL?

ANA: "Ano ba ang ibig sabihin ng separation of power, para bang kili-kili power din ito?"

LISA: "Umaalingasaw, 'yan siguro ang term na nais mong tukuyin 'di ba? Ang power kasi ng Congress (Senate & House) bukod sa paggawa ng batas, eh ang magtakda o maglaan (appropriate) ng pondong gagastahin para sa public works and services ng gov't sa loob ng isang taon. Pero, HINDI sila mismo ang gagastos sa inilaang pondo para sa mga projects. Aalingasaw, peksman!!!"

CION: "Korek! Pero kung ibabatay sa isinasaad ng Phl Constitution, ang Appropriations Act ng Congress kada taon eh ang Executive Branch of Gov't ang nakatoka para sa implementasyon ng mga proyektong pinondohan ng 2 Kongreso. Walang creature na (Pork Barrel) ang inaalagaan ng isang Phl President, 'lamoyon?"

CALLING, CALLING, KOKAK 2, T'IS KOKAK 1, OVER!

ANA: "O' nag-iingay na naman ang mga palakang malake at palakang maliit at todo batikos uli sila sa NBI at ke PNoy re 4 na sisibaking IPISyal ng NBI na nagsisilbi rin daw na mga K-9 ni Sen Amazing Kap, 'di ba?"

LISA: "Ano kaya ang ipinakakain ni Kap sa 4 niyang doberman na taga-NBI, karne na marinated ng PDAF? Nakaka-addict 'yun, I'm sure!!!"

CION: "Kilala ko ang 4 na NBI palakokak ipisyal na'to na TANGApagtanggol din ni Janet, courtesy ni Kap, na sina Reynaldo Esmeralda ng Intelligence, Ruel Lasala ng Special Investigation, Rickson Chiong ng Technical Service at Rafael Ragos ng Comptroller Service, o, tama ba?"

PALAKARIN

ANA: "Ano nga pala ang tawag sa palakang malake at palakang maliit, 'di ba palakarin? Sige, pansinin mo ang animo natubigang mga palaka o buteteng bukid na nagpapaligsahan sa pagKOKAK, nakakabalisawsaw, 'di ba?"

LISA: "Medyo nakakarindi na nga ang kokak ng mga buteteng bukid na 'to. Kasi, sa halip na mga kakutsabang legislatong ni Janet sa pandarambong ng PDAF ang pagtuunan nila ng isyu, aba'y ang binabatikos eh ang NBI at si PNoy! Que klaseng utak meron sila?"

CION: "Utak? Ah, kung baga sa itlog, sila 'yung nabagok nang tamaan ng PDAF habang nasa loob ng basket. Kaya naman ang mga itlog sa loob ng basket na nabagok, lahat sila'y naBUGOK. That was the result - KOKAK!!!"

LET THE HUNT BEGIN?

ANA: "Hoy, Aleng Cion, ano sa palagay mo, dapat bang gawing state witness si Janet Lim-Napoles, ayon sa bocadora ni CDQ?"

LISA: "Oo nga, noh? Kasi naman eh nagpalutang ng haka-haka ang Malacanang no'ng una na puedeng maging state witness kuno si Janet laban sa pandarambong ng PDAF ng 5 senatongs at 23 tongressmen. Kung makakasuhan ng plunder ang nasabing mga legislatongs, walang piyansa 'yon habang dinidinig sa Korte, 'di ba?"

CION: "Bukod sa kasong illegal detention vs Janet na 'alang piyansa, dapat eh dagdagan pa ng kaso si Janet, kasama ang 28 pang legislatongs, ng plunder (P10B PDAF scam). Bukod sa kapal kasi ng documentary evidence na hawak ngayon ng NBI eh meron pang mga 10 whistle blowers re PDAF scam ang nasa pangangalaga ng WPP ng DoJ. Eh, sino pa ba'ng hahantingin?"