OPPORTUNITY KNOCKS ONLY ONCE

ANA: "Sabi ni netizen mabyrik eh minsan lang daw kakatok ang pagkakataon. Kung ito'y maganda, pangit o mabuti, basta, dapat daw itong samantalahin ni PNoy."

LISA: "Hah? Sino ang pagsasamantalahan ni PNoy, chix? Naku, ako ino-offer ko ang sarili ko ke PNoy willingly sa August 26. Ako'y nangangakong tatalima sa lahat ng kanyang kagustuhan, peksman."

CION: "Heh! Mahilig kang magpapansin ke PNoy. 'Di ka naman papatulan no'n noh? Ang sinasabi kasi ni netizen mabyrik eh sana tanggalin na ni PNoy ang PDAF na ugat ng korapsiyon ng mga legislatong. Magandang pagkakataon daw na i-anunsiyo n'ya 'to sa August 26, o, 'di ba?"

SABLAY

ANA: "Si Jesus Christ eh sa sabsaban ng mga hayup iniluwal ni Virgin Mary, 'di ba? Kahapon kasi eh sumablay tayo, kasi, ayaw ng Disqus na maidikit ang pangalan ni Janet Lim-Napoles  na siyang operator ng sabsaban (manger) ng mga legislatongs. Rejected ang ating post! Juice na mahabagin talaga."

LISA: "Bakit, masama ba ang word na sabsaban o labangan? D'yan kasi sumasabsab o lumalamon ang mga baboy habang nagbabalyahan. Sige, magpunta ka sa pigery at obserbahan mo ang sinasabi ko, sigee!!!"

CION: "Naaasiwa lamang marahil ang Disqus na madamay sa pangungulimbat ng mga NGOs ni Janet ng PDAF na regular at todong ibinubuhos hanggang mamuwalan sa pagsabsab ang mga baboy nitong alaga sa kanilang sabsaban na kung tawagin eh mga HONORABLES!!! Onli enda Pilipins!!!" 

DRAG OUT THE HIDDEN INTO THE LIGHT OF DAY

ANA: "So, pa'no palulutangin para mabistahan ng publiko, partikular ng mga blogger mula sa planet Earth, ang nakalublob na pork barrel sa inimbentong sabsaban ng mga baboy (read: legislatongs) ni Janet, ha?"

LISA: "Para sa'ken eh 'di problema 'yan. Tutal naman eh pinayagan ni PNoy na isama pa rin sa national budget ang PDAF para masigla't maliksi pa rin ang pagsabsab ng mga baboy sa sabsaban na nasa poder ni Florencio Abad, o, 'di ba?"

CION: "Korek ka r'yan 'day. Kaya pinayagan ni PNoy na isama sa budget ang pork barrel para sa mga YOBABS eh para mamonitor ang pagsabsab nila sa sabsaban ni Janet. Kasi, parang cctv na naka-focus sa kanila ang release ng bawat pork barrel kung ito'y nagko-conform sa procurement procedure, o, bet?"

DISCREPANT GOVERNANCE

ANA: "Oy, 'lamobang meaning sa Tagalog ng discrepant governance? 'Di ba ibig sabihin no'n eh - iba ang sinasabi kesa ginagawa - tama ba 'ko, ha?"

LISA: "Korek ka r'yan 'ga. 'Gaya nga ng biniling mansion ni Janet at ginawa nitong retreat house kuno na pinangangasiwaan ng mga inampon nitong pari. 'Di naman pala retreat house kundi detention-house ni Benhur Luy at mga pari ang nagsisilbing guwardiya!"

CION: "Huwag n'yo ngang gawan ng isyu ang mga kaparian noh! Mangilabot kayo kasi umiiyak na si Cardinal Tagle kung bakit tila nadadawit na ang mga paring lahing tsekwa sa racket ni Janet, 'gaya ng HALOS LAHAT ng mga Phl legislatongs, o, 'di ba?" 

FUNDS SOURCED FROM JPE, SENS AMAZING KAP, JUNGGOY & PUNASAN

ANA: "Nakanang-ina talaga! Naglilitawan na ang mga documentary evidence vs senatongs. Super kahiya-hiya na'to sa kanila. Meron pa ba sila no'n?"

LISA: "Nakana mong tunay 'ga. Mismong COA na ang naglantad sa mga bloggers, thru internet, ng mga documentary evidence na'to vs mga kasangkot. T'yak, MobRally na'ng kasunod nito, gogogo!!!"

CION: "Heh, tumigil kayo! Hintayin n'yo munang lumutang si Janet para siya mismo ang gagawa ng kumpirmasyon sa mga dokumentong ito ng COA. Ang problema nga lang eh pa'no kung sa gitna ng laot lulutang si Janet? Ubos tayo..."

PUSHING DIMAPORO'S TEMPORARY RELEASE

ANA: "Iyan bang 105 na tongressmen na humihirit na piyansahan si Dimaporo eh iba pa sa 23 bilang ng tongressmen na suki sa biyakan sa pandarambong ng PDAF ni Janet?"

LISA: "Oo nga noh. Obvious na kampi-kampi ang merong suma-total 128 dami ng tongressmen at a la lintang walang humpay sa pagsipsip ng PDAF. Que barbaridad!"

CION: "Kailangang malinis ni PNoy ang nakakahiyang pandarambong ng mga Pilipino legislatongs sa kanilang PDAF na 'di maikakaila at tumambad na rin sa buong mundo. Para sa'ken, ituong pirme ni PNoy ang natitirang 3-taon nito sa Malacanang at kasuhan ng gov't ang lahat ng magnanakaw na legislatongs. 'Yun lang!!!" 

WARRANT OF ARREST FOR JANET

(Proverb) The lust of gold succeeds the rays of conquest;
The lust of gold, unfeeling and remorseless!
The last corruption of degenerate woman (Janet).

(Salawikain) Ang kasibaan sa ginto ay kahalili ng sinag ng pagkalupig;
Ang kasakiman sa ginto, walang pandama at walang pagsisisi!
Ang malubha at huling katiwalian ng isang babae (Janet).

ANA: "Bakit kaya laging merong advance info si Janet sa imbestigasyon ng NBI laban sa kanya? Kasi, alam na sisilbihan siya ng arrest warrant kahapon kaya 'di na siya mahagilap kung nasaan ngayon, noh?"

LISA: "Pa'no naman eh pagkarami-raming legislatongs ang tiyak na masasangkot sa pandarambong ng P10 bilyong PDAF, kaya posibleng itinatago nila ngayon si Janet. O, 'di ba?"

CION: "Posible ring tuluyan nang 'di na makita pa si Janet para 'di niya maisiwalat sa Korte ang kakutsabang 6 senatongs at 23 tongressmen bukod pa sa mga IPISyal ng DA at ilan pang mga town mayors. Hay, juice ko pong mahabagin!!!"