JANET TRANSFER TO LAGUNA TODAY, SUNDAY

ANA: "Ay, ang galeng. Ngayong early Sunday, Sept 1, ililipat o baka nailipat na sa oras na 'to si Janet sa Fort Sto Domingo sa Laguna. Ang Spanish word ng Sunday eh Domingo, 'di ba?"

LISA: "Korek ka r'yan 'ga. Pina-iingatang mabuti ni PNoy ang kaligtasan ni Janet, kasi obvious na dalawang magkaibang grupo daw ng assassins ang gustong tumigok ke Janet, 'lamoyon?"

CION: "Sa nakikita ni Janet, pati na rin si Atty Lorna Kapunan, sa mahigpit na pagbabantay ng otoridad para sa kaligtasan ng una, eh tiyak na handa nang haharap sa Korte at kakanta ng La Paloma si Janet para kikilalanin kung sino-sino ang mga kakutsaba nitong legislatong na may motibong titigok sa kanya. Yun lang!!!" 

A CLEAR DANGER TO JANET'S LIFE?

ANA: "Unang-una, bakit ba kasi kailangang air tight, 'eka nga, ang gagawing pagbabantay 24/7 ke Janet, ha? Sa pakiramdam ko kase, pati judge eh parang tarantado na rin sa kanyang inilalabas na resolusyon re transfer from jail to another jail ni Janet, 'di ba?"

LISA: Heh! Ayusin mo 'yang bokadura mo ng (natataranta) sa halip na tarantado si Judge, noh? Pa'no nga kase, dalawa ang posibleng panggagalingan ng mga assasins, una, mula sa legislatongs na kakutsaba ni Janet sa pandarambong ng PDAF. Ikalawa, 'yung mga merong personal na galit kay PNoy na gustong gibain ang magandang takbo ng kanyang gov't, o, 'di ba?"

CION: "Korek kayong dal'wa, 'day. Bukod kasi sa kahihiyan, eh makukulong din ng walang piyansa na 'gaya ni Ate Glo ang grupo ng mga kakutsabang legislatong sa paglimas ng PDAF ni Janet, at, isa pang grupo na atat-na-atat guluhin ang magandang reputasyon ng PNoy gov't porke sagad-sa-buto ang pagka-inggit, 'gaya ng mga tagaUNA???"  

AFTER JANET'S SURRENDER

ANA: "Isang psywar (psychological warfare) lang kaya ang unang pinalutang ng Malacanang na gagawin daw state witness si Janet Lim-Napoles sa kakaharapin nitong kaso ng plunder kung siya eh kusang susuko, ha?"

LISA: "Puede, puede. Kasi ayon sa dictionary, psychological warfare means - (the military application of psychology, esp. to the manipulation of morale in time of war), o, 'di ba?"

CION: "Korek ka r'yan 'day, ang gleng-gleng mo. Dahil kasi sa palutang na gagawing state witness ni Janet sa kasong plunder eh kusa na siyang sumuko at mismong ke PNoy pa! Pero tila psywar lang ang move na ito ng otoridad, kasi, taksan-taksan ang documentary evidence ang hawak ng gov't vs LAHAT ng legislatongs na sangkot sa pandarambong ni Janet ng PDAF. 'Yun lang!!!"

JANET SURRENDERS TO PNOY

ANA: "Oy, parang pinagtiyap ng pagkakataon na sumuko ang dalawang sikat na puganteng sina ex-CPNP Avelino Razon at PDAF scammer Janet Lim-Napoles kahapon, August 28, 2013, at kapwa ikukulong sa Camp Crame, 'di ba?"

LISA: "Sana, 'yung magbabantay ke Janet eh pulos policewomen na walang sukbit na baril 24/7. Kasi, 'yung mga ikinukulong sa Camp Crame eh karaniwang nang-aagaw ng baril para makipagbarilan sa kanilang bantay. Ang bottom-line, patay kang bata ka!!!"

CION: "Kung ise-sequester ang lahat ng real and personal properties ni Janet, puede bang notarized ang listahan 'gaya ng mga alahas, damit, sapatos. Pero 'di na kailangan sigurong isama pa sa listahan ang kulay ng suot na panty ni Janet, sobra naman 'yon, noh?"  

JUNGGOY: AM NOT OBLIGED TO CHECK NGOs GETTING MY PORK

ANA: "Oy, 'lamobang sinabi ni Sen Junggoy na 'di raw niya obligasyon o ng iba pang legislatongs na 'gaya niya kung totoong a la Bingo na binobola ng NGOs ni Janet ang PDAF para ipamudmod ang pondo sa mga proyektong nanalo sa bidding?"

LISA: "Eh talagang hindi na obligasyon ng legislatongs kung na-award o hindi ni Janet ang PDAF para pondohan ang mga proyektong SOFT or HARD which are subject for implementation, kase, na-binggo na ang P10B pork barrel ni Janet at kasama nga niya si Junggoy at 28 pang senatongs at tongressmen. Nakanang-ina naman, hooooh!!!"

CION: "Nakikita kong talagang matapang ang kaloobang magsasagot ni Sen Junggoy para tanggihan ang lahat ng kanyang pagkakadawit sa kaso ng pandarambong na 'to. Pero sa huling pahayag ni DOJ Sec Leila, eh umaabot pala sa P101 BILLION ang sumatotal ng PDAF na nakulimbat ng mga legislatong. Hay juice ko pong mahabaGIN!!!"

MAKIBAKA, HUWAG MAGBABUYAN

ANA: "Oy, meron akong nabasang slogan sa t-shirt na suot ng raliyista kahapon sa Luneta. Sabi, - (makibaka, huwag magbabuyan). Ano ba'ng ibig sabihin no'n sa ingles - milking cow, instead of pork barrel?"

LISA: "Mali naman ang ingles mo eh. Ang tamang ingles - FIGHT, DO NOT BE A SWINE - 'yun ang ibig sabihin ng slogan na nabasa mo sa Luneta kahapon. Sa Tagalog, labanan daw natin ang corruption at huwag makipag-unggoy-ungguyan sa mga lawmakers, 'yun lang!!!"

CION: "Kahit manaka-nakang umaambon at nagpuputik ang Luneta kahapon eh kusang naglinis ng kanilang kalat ang mga raliyista bago sila nagsi-uwi pagkatapos ng rally. Ngayon lang nangyari ang disiplinang ganire, peksman!!!"

CHIZ: REALLOCATE, SUBTRACT OR LINE ITEM BUDGETING

ANA: "Ang galing talagang tumayming ni Sen Chiz, nagbibigay ng puedeng pagpipilian ng mga sasama sa rally ngayong araw re P25.24 billion PDAF. Ang pakulo cum solusyon niya, 1. reallocate o 2. tanggalin o 3. sumunod sa kagustuhan ni PNoy na line item budgeting ang PDAF."

LISA: "Siempre, alin man ang susunding solusyon ng Pinoy para maresolba ang isyu ng PDAF, eh sisikat ng todo sa netizens si Sen Chiz para sa presidential ambition nito sa 2016 elections. Lutang-na-lutang si Chiz a la lagareng atras-abante, kain, o, 'di ba?"

CION: "Pero 'wag naman sanang manguluntoy ang kasiglahang ito ni Sen Chiz sa pagbibigay ng mga suhestiyong, well, multiple choice, para solusyunan ang isyu sa PDAF. Ang ikinababahala ko kase, baka bawiing bigla si Heart ng kanyang parents eh tiyak na tutuwad ang tuwid na isipan ni Chiz, peksman.."