LIKE A HUMPTY DUMPTY SENATE?

ANA: "Oy, ano ba ang ibig sabihin ng Humpty Dumpty Senate na bokadura ni CDQ sa kanyang kolum, ha? Litsong baboy ba 'yon na malutong, masarap at mamantika at nagmamarka sa nguso ng sino mang ngangasab?"

LISA: "Ang humpty dumpty eh kasabihan ng mga Briton na ang ibig sabihin eh isang taong bansot, mataba at nanggigitata ang katawan, medyo sayad ang utak dahil sa init ng basurang walang habas nitong kinakalkal. O, getz mo?"

CION: "Ang buong legislative branch of gov't kasi eh NABILAD sa init ng pagkasugapa ang mga legislatongs sa walang habas na pagkalkal sa kanilang Pork Barrel kaya na-immune ang kanilang utak dahilan para hindi na tumalab sa kanila ang KAHIHIYAN."

MOVE TO COVER UP P50M BRIBE?

ANA: "Sabi nung 'sang dating abogado no'n ni ex-CJ Crown (Whether or not it is bribery, rests on the concience of each senator,) tungkol sa IKINANTA ni Sen Junggoy re: ipinamudmod ng DBM thru SP Drilon na P50M INCENTIVE kada senatong na bumoto sa impeachment ng ex-CJ."

LISA: "Umangal din pala si ex-Sen Joker kasi, P35M lang umano ang kanyang tinanggap na suhol samantalang hindi naman siya bumoto para ma-impeach ang ex-CJ, 'gaya rin ng NO votes nina Sens Bongget at Brenda, kung kaya kapwa sila hindi tumanggap ng tig-P50M, o, 'di ba?"

CION: "Inamin naman ni DBM bigboss Butch aBAD na tinanggihan daw ni ex-Sen Ping ang P50M suhol na pabuya sa mga senatong na bumoto pabor sa pagsibak bilang CJ ng SC si Rene Crown. Kasi, bumoto para sa conviction ng ex-CJ si ex-Sen Ping pero tumangging magpasuhol, peksman."

DELICADEZA AND SENSE OF HONOR

ANA: "Ano bang ibig sabihin nung phrase ni Sir Randy na (delicadeza and sense of honor), ha? Para bang litsong-baboy 'yon na malutong, masarap, mamantika at nagmamarka sa nguso?"

LISA: "Heh! Hindi pagkain ang phrase na 'yan kundi kaugalian ng tao, 'gaya ng ugali ng mga opisyal ng gov't, ugali ng mga sikat ng kolumnista tulad ni Sir Randy at ugali ng ordinaryong Pinoy. O, bakit?"

CION: "Korek ka r'yan, 'day. Pero mas babagay sa palagay ko kung daragdagan ng word na (WALANG) bago ang word na delicadeza ang buong phrase patungkol sa mga legislatong at ac/dc columnists 'gaya ng klase nina Mandodoro at Tulping na pawang mga WALANG DELICADEZA AND SENSE OF HONOR, o, 'di ba?"

TO IMPLICATE OTHER COLLEAGUES

ANA: "So, ano ang bottomline sa ginawang privilege spit sa Senado ni Sen Junggoy bakit ala shot gun nitong pinasabugan ang mga kasamahang onorabol, ha? Para idamay ang bawat onorabol na kasuhan din sila ng plunder na walang piyansa?"

LISA: "Most probable eh korek ka r'yan, 'ga. Kasi, qualified kang makasuhan ng plunder kung ang dinambong mong kuarta mula sa taxpayers' money eh 'di bababa sa halagang P50M, o, 'di ba?"

CION: "Bilib ako talaga sa katalinuhan n'yong dalawa, 'day. Kasi inamin mismo ni SP Frank Drilon na nagpamudmod siya ng tig-P50M, mula umano kay BDM Sec aBAD, kada senatong makalipas nilang ma-impeach si ex-CJ Crown, bilang SUHOL! Therefore, merong probable cause para sa kasong PANDARAMBONG!!!"

BRENDA EXCORIATED JUNGGOY

ANA: "Oy, ano ba sa Tagalog ang English word na excoriate, ha? Bakit sinasabi sa report na excoriated daw ni Ma'm Brenda si Sir Junggoy. Tungkol ba'to sa sabsaban ni Janet?"

LISA: "An'dami mo namang tanong. Ang meaning sa Tagalog ng word na excoriate eh balatan, upakan, talupan. O, ngayon, alam mo na? Kasi, binalatan o inupakan o tinalupan ni Sen Brenda si Sen Junggoy hinggil sa kaso ng PDAF, o, getz mo?"

CION: "Korek ka r'yan 'day. 'Yung UPAKAN ng mga onorabol vs kapwa onorable sa Senado eh bunga ng turuturuan, bintangan, kung sino ang merong pinakamalaking halaga ng PDAF na nakulimbat nila, individually, mula sa taxpayers' money. Ang hindi maitatanggi at kitang-kita ng Pinoy, eh, lahat, as in LAHAT silang senatong eh damay-damay sa pagSABSAB sa Pork Barrel. CERTAINLY!!!" 

CONSTITUTIONAL CRISIS?

ANA: "Oy, 'lamobang pumayag na si DoJ Sec Leila na pasiputin sa Senate's blue ribbon committee ngayong araw ang mga whistle blower, kase, ayaw n'yang magkaroon daw ng constitutional crisis. Ano bang ibig sabihin ng constitutional crisis - magboboksing sina Sen Guingona vs Sec Leila  a la Pacman vs Donaire?

LISA: "Sana, kung maiiwasang 'di magsagupa ang kapwa Pinoy 'gaya nina Pacman at Donaire, eh di, magaling. Kaya nga pumayag na siguro si Sec Leila na gumawa ng kanyang grandstanding (stint/stink) si Sen Guingona para siguro makalimutan ng Pinoy na posibleng kasama rin pala siya sa mga sasampahan ng plunder?"

CION: "Korek ka r'yan 'day. 'Yun kasing bantot ng mga onorabol na nakipag-sabsaban sa sabsaban ni Janet eh lalong umalingasaw ng mismong si Sen Junggoy eh umawit ng La Paloma sa kanyang privilege-SPIT kahapon sa bulwagan ng Senado. Hay, juice ko pong mahabaGIN, todo-todong kahihiyan na'to, 'di ba?"

JPE: I'M NOT UP TO BETRAY ANY OF MY PEOPLE

ANA: "Oy, naniniwala ka ba sa pautot ni onorabol JPE na hindi raw niya ugali ang magtaksil at ipagkanulo ang sinoman sa mga tauhan niya?"

LISA: "Ha? 'Di kaya nahihibang si JPE? Kasi, t'yak na ramdam na nitong a la barko siyang lumulubog sa laot at kailangan niyang itapon sa dagat ang huling mabigat na bagahe nitong si Ma'm Gigi. Ito'y para manatiling nakalutang ang kanyang barko at makatawid sa dagat, o, getz mo?"

CION: "Sa palagay ko eh tuluyang lulubog sa dagat ang barko ni JPE kasunod ng itinapon niyang bagahe na si Ma'm Gigi at 'yung mga kapwa pa niyang onorabol na sina Junggoy at Amazing Kap na kusang nagsitalon mula sa lumulubog na barko at ngayo'y sisinghap-singhap na kumakawag sa gitna ng dagat, o, 'di ba?"