BALIKATAN, A LA HUNYANGO, PINALALAYAS 52,000 HOMEOWNERS

BALIKATAN, A LA HUNYANGO, PINALALAYAS 52,000 HOMEOWNERS

Ni: Leo Paras

Ang Balikatan Housing Finance Incorporated (BHFI) ay a la HUNYANGO, porke kilala rin ito sa tawag na BALIKATAN, BFS, o kaya ay BAHAY FINANCIAL, ay pinatatakbo ng kumpanyang DB Global Opportunities (DBGO) at kabalikat naman ni Joseph Peter Sison, isa umanong pulpol na politikong talunan na taga-QC at itinalaga noon ni Ate Glo bilang President ng National Home Mortgage Finance Corporation (NHMFC), isang gov’t owned and controlled corp (GOCC) na GATASAN daw ng GMA Administration.

Ang kutsabahang ito ng BALIKATAN at ng NHMFC ay labis na nagpatindi sa aburido ng 52,000 lehitimong HOMEOWNERS na nag-avail ng housing loans thru Pag-IBIG Plan sa buong bansa, ayon sa Committee on Housing and Urban Development ng House of Reprsentatives, for your info, Chief Justice Ma. Lourdes Sereno, ma’am, please.

Ang modus-operandi ng kutsabahang ito, Ombudsman Conchita Carpio-Morales, ma’am, ay katulad din ng kawalang-hiyaan ni Delfin Lee na kinulimbat at itinakbo ang P7 bilyon ibinayad sa kanya ng PENSION FUNDS, namely, the HDMF, SSS, and GSIS.

Kabaliktaran sa ginawang pandurugas ni Delfin Lee na pina-okupahan muna ang brandnew low cost housing units nito sa mga kaluluwa ng patay (fictitious) for record purposes para lang makasingil, ay PINALALAYAS naman ng BALIKATAN, o ng BFS, o kaya ay ng BAHAY FINANCIAL, sa pamamagitan ng HARASSMENT para itaboy ang 52,000 legitimate Homeowners sa kani-kanilang mga hinuhulugang bahay sa buong bansa, Mr. PNoy, sir, ng walang kaukulang Court Order porke hindi raw sila nagbabayad ng kanilang housing loans. UTANG NA NAMAN!!!

Pero kung hindi matinag at merong resistance ang homeowner sa mga harassment sa kanila para hindi mapalayas sa kanilang housing-unit, ay magbabago ng istilo ang Balikatan. Gagamit ito ng lakas-ng-impluwensiya (read: under-the-table) para lagyan ng ANNOTATION ang Titulo ng property, ‘gaya mismo ng pambibiktima sa amin, ayon sa sumusunod:

                “Entry No. 2012000398                                                  January 13, 2012  2:27 pm

               

          CERTIFICATE OF SALE : ISSUED BY THE SHERIFF OF REGIONAL TRIAL   COURT,

ANTIPOLO CITY, IN FAVOR OF BALIKATAN PROPERTY HOLDINGS, INC. AS THE

HIGHEST BIDDER, FOR THE SUM OF PHP 629,129.36 SUBJECT TO REDEMPTION

WITHIN A PERIOD OF ONE (1) YEAR FROM AND AFTER THE DATE OF

REGISTRATION HEREOF, IN ACCORDANCE WITH THE CERTIFICATE OF SALE

DATED JULY 22, 2010.

Federico M. Cas

Registrar of Deeds”

Batay sa batas, hindi kailanman maaaring isubasta ang isang propiedad kung bayad ang amilyar ng housing unit sa huling sampung-taon at tinitirhan mismo ng homeowner. Bagkos, qualified na ang homeowner, (by adverse possession), para sa karapatan (right) na mailipat ang Titulo sa kanyang pangalan sa pamamagitan ng TITLE BY PRESCRIPTION. Ang adverse possession ay isang legal process para sa issuance ng bagong Transfer Certificate of Title mula sa Register of Deeds (RD) ng isang propiedad.

                Sec. 3. (2^nd sentence) Sale of mortgaged property; effect.
                “X-x-x. Such sale shall not affect the rights of persons holding prior 
                encumbrances upon the property or a part thereof, and x-x-x.” 
               (Rule 68, RULES OF COURT)

Ngunit ilan lang kaya sa 52,000 homeowners sa buong bansa na kagaya namin ang nakakaalam na na-under-the-table na pala ang kanilang tinitirhang bahay ng BALIKATAN at kakutsaba nito ang Treasurer’s and Assessor’s Offices, BIR, RTC at mismong LRA? Magugulat na lamang sila porke tatanggap sila, after a period of one year, ng Foreclosure Order mula sa Korte. Kasunod noon ay parang mga dagang ipagtatabuyan ng Sheriff ang Homeowner mula sa kanyang bahay. Hay, juice koh, Tang inumin n’yo!!!

Noon kasing panahon ni Presidente Erap bago siya ma-impeach ay itinalaga nitong chairperson ng HUDCC si Madam Leny de Jesus. Natuklasan ni Ms. Leny ang talamak na kurakutan sa housing loans ng mismong mga taga-NHMFC. Kaya naman nagpaimbistiga at ipinatigil INDEFINITELY ni Ms. Leny noong 2000 ang paniningil ng monthly amortization sa mga homeowners na unang nag-avail ng housing loans. Karamihan sa mga nangutang ng pabahay ay mga OFWs, itinuring na mga bayaning GINAGATASAN ng gobyernong Arroyo, alam mo ba ‘yon, JOPET?

Mr. Federico Cadiz, Jr., sir, bilang vice-president and director ng BHFI, BALIKATAN, BFS o BAHAY FINANCIAL  (pawang mga aliases), sino ba ang presidente ng inyong conglomerate, si Joseph Peter Sison ba? Umiiwas ba ang inyong conglomerate sa demanda porke ayaw n’yong ipakilala ang inyong BIG BOSS sa DBGO sa 52,000 Homeowners na pinag-lololoko n’yo sa buong bansa? Nag-iingat ba kayong baka matulad kayo kay Delfin Lee na wala ngayong MASULINGAN sa ilalim ng kasalukuyang PNoy Administration?

Huwag kayong magmaang-maangan o magbalatkayong a la hunyango na pabago-bago ang kulay. Mula dating kulay dolyar ay nag-kulay dilaw naman kayo ngayon,depende sa panahon, ‘di ba?  Huwag din kayong laging tikom-ang-bibig sa ginagawang imbistigasyon laban sa inyo ng Committee on Housing and Urban Development ng House of Representatives, ano huh? 

Baka nga pala hindi n’yo naiintindihan ang salitang tagalog na TIKOM-ANG-BIBIG, ay isasalin ko ito sa salitang ingles para maintindihan n’yong maige. PUT TONGUE-IN ANEW !!!