SI VIS PACEM, PARA BELLUM

ANA: "Palagay ko eh nabasa ni PNoy 'yung Latin phrase na ipinayo kamakailan ni Sir Leo sa Disqus - Si Vis Pacem, Para Bellum (If you wish for peace, prepare for war) - noh? Kase, gumawa ng anunsiyo si PNoy no'ng 'sang gabi para sa taong-bayan re: PDAF, DAP issue. Sikat!"

LISA: "Sikat tayo? Ewan. Sabagay, parang nasa fighting mood si PNoy ng niliwanag niya sa Sambayanan na NILALABUSAW ng mga onorabol na sangkot sa pandarambong sa pangunguna raw ng isang huklubang politiko (JPE?), para isangkot din mismo si PNoy sa pagnanakaw nila mula sa kaban-ng-bayan? Susmaryopes."

CION: "Korek kayo r'yan 'day. Kaya nga lumantad na si PNoy noong 'sang gabi at totoong handa nang sumabak sa DIGMAAN laban sa mga plunderer at siguradong 'di niya 'to tatantanan hangga't hindi lahat sila masasadlak sa kalaboso dahil sa kanilang kababuyan. Pang-RECLUSION PERPETUA 'yan, peksman!!!"

PACHYDERMOUS PORK LOVER

ANA: "Ay, alam ko ang meaning ng pachyderm - any very large THICK-SKINNED mammal (read: legislaTONG) - eh saktong-sakto sa kategoryang 'gaya nina JPE, Junggoy at Amazing Kap, o, 'di ba?"

LISA: "Yes, yes yow. Pero bago kumapal ang 'yong balat upang 100 percent kang ganap na PACHYDERMOUS, eh kelangan munang eksperto ka sa paglamon ng Pork mula sa sabsaban ni Janet. 'Yan ang kondisyon!"

CION: "Kung pamimiliin kayo 'day ng mas babagay na katawagan sa mga onorabol legislaTONG, alin ang pipiliin n'yong puedeng ikabit sa pangalan nila bukod sa onorable: pachydermous? mandarambong? magnanakaw? bobo? or ALL OF THE ABOVE?" 

TAONG-GRASA

ANA: "Alam ko ang ibig sabihin sa Tagalog ng phrase na political pariah - taong grasa. Pinangungunahan 'yan ng mga taga-legislative (senaTONG/TONGreasemen), mga taga-executive (aBAD/Drilon) at mga taga-judiciary (isang justiis ONG).

LISA: "Ay sinabi mo. Silang lahat ngayon eh pawang mga urong ang dila, ibig sabihin naman sa ingles - put tongue-in anew - 'tsaka nakukulapulan din ng mantika ng baboy ang kanilang utak at isipan, peksman."

CION: "Sana Lord, sa gabi ng Halloween, magsitulog ang mga taong grasa ng mahimbing at SLN ang mga kaluluwa para magkaroon ng tunay na kapayapaan ang Pilipinas. Santa Iglesia Ni Kulapo, ipanalangin mo kaming makasalanan. AMEN...!!!"

TEFLON

ANA: "Oy, 'lamoba kung ano ang meaning ng word na teflon? Kase, hinahanap ko sa diksiyonaryo kung ano ang ibig sabihin pero 'di ko makita. Hindi kaya trademark 'yon?"

LISA: "Korek ka r'yan 'ga. Kasi, nag-research din ako at trademark nga pala ang word na teflon at ang ibig sabihin eh POLYTETRAFLOUROETHYLENE, a 23-letter word. O, bakit?"

CION: "Tumpak! ang gagaling n'yo 'day. Si PNoy kasi eh inihahalintulad ng mga taga-foreign media na kagaya raw siya ng teflon. HINDI DUMIDIKIT ang langis sa teflon, hindi katulad ng mga taong-grasa, 'gaya ng senaTONG at TONGreasemen, na nakukulapulan ng mantika ng baboy pati na rin mga taong nakapaligid ke PNoy, 'gaya nina aBAD at Drilon, 'di ba?"   

FORCED DISAPPEARANCE

ANA: "Parang walang ipinag-iba ang cover-up case vs AFP re: forced disappearance ni Jonas Burgos sa kasalukuyang plunder case naman vs Janet Lim-Napoles, kasama ang mga onorabol cohorts na senaTONGs/TONGressmen, kasi matindi rin ang cover-up, 'di ba?"

LISA: "Tumpak ka r'yan 'ga. 'Gaya nga ng AFP, ang mga onorabol na sangkot sa SABSABAN ni Janet eh animo mga mafia rin, kase, pakiramdam nila eh kaya nilang paikutin a la tsubibo ang Pinoy sa pamamagitan ng kanilang mga bayarang professional spinners. Hay, juice ko."

CION: "Bilib ako sa walang takot at pagkasawa ng nanay ni Jonas na si Aling Editha na ipaglaban ang karapatang mapanagot ang mga sundalong dumukot sa anak. Maging huwaran sana si Aling Editha ng Pinoy taxpayers re: plunder case vs Janet, et al. at huwag rin silang magsasawang ipaglaban ang karapatang maipakulong lahat ang mga onorabol na mandarambong. 'Yun lang!!!"

"EYES ON THE BALL"

ANA: "Napapanahon ang paghikayat sa media ni PNoy  re: (eyes on the ball) para umano pagtuunan ng pansin ng media na matinding UMAARIBA ang spin boys ng mga sinampahan ng kasong plunder na sina onorabol JPE, Junggoy at Amasing Kap, 'di ba?"

LISA: "Ay tumpak na r'yan 'ga. Ito'y para labusawin nila ang isyu ng DAP na kagaya rin daw ito ng PDAF na nagsilbing SABSABAN ng mga legislaTONG mula sa 2 Houses of Congress, peksman."

CION: "Sakto 'yan 'day. Ayon nga ke PNoy eh sinusundan ng masusing imbestigasyon kung saan ikokonekta ang bulto-bultong ebidensiya vs 35 akusado ng plunder buhat sa dinambong nilang P10B halaga ng PDAF mula naman sa sabsaban ni Janet. Inaasahan ng Pinoy na maraming legislaTONG ang makukulong habang-buhay?"

DE LIMA WANTS GIGI AND RUBY SUMMONED ON PORK BARREL SCAM

ANA: "Humirit si Ma'm Leila de Lima para paharapin din sa Senate Blue Ribbon Committee hearing si Gigi Reyes at Ruby Tuason. Si Reyes eh identified ke JPE samantalang si Tuason eh identified naman ke ex-FG Mike?"

LISA: "Ay, scripted lang 'yan, kase, walang alinlangan na magiging a la karnabal at moro-moro ang imbestigasyon na isasagawa ni Sen Gunggongna, lalo na siguro kung isasalang din sa witness stand ang mga onorabol na sina JPE, Junggoy at Amazing Kap, o, 'di ba?"

CION: "Tumpak kayo r'yan 'day. Certainly, ang epal ni Janet sa Senado eh a la Miss World Megan ang dating, kasi, aalalayan siya sa kanyang pag-upo sa trono for live interview mula sa mga hurado sa pangunguna nina onorabol SP Drilon, Marcos, Sotto, Peter Cayetano, Cheeze na pawang mga KASANGKOT? Pero lilitaw t'yak sa isipan ng Pinoy na talagang WALANG-ALAM ang mga nasabing hurado na 'gaya nina Junggoy, Tito, Lito at Bong na pawang mga taartits?"  

2 COA AUDITORS FACE RAPS

ANA: "Bilib talaga ako sa tibay ng CoA kasi 'ala silang distraction mula sa distortion ng mga bayarang spin boys nina Ate Glo, Eddie Ermita, Nasser Pangandaman at Rolando Andaya re: misuse of the P900M from the Malampaya Fund, 'lamo'yon?"

LISA: "Tumpak ka r'yan 'ga. Bagkos eh lalo pang pinatibay 'tsaka pinalakas ng CoA ang hawak nilang documentary evidence vs dinambong na Malampaya Fund ng grupo ni Ate Glo, o, 'di ba?"

CION: "Yes, yes yow! Kaya nga sampalataya akong masasampahan din ng kasong plunder ang dating gangmates ni Ate Glo at siempre, sama-sama together sila ng grupo naman ni JPE sa KALABOSO habang nililitis ng usad-kuhol sa Korte ang kaso dahil sa pagmamaneobra ng kani-kanilang spin boys. Hmmpp, buti nga!"

JANET REQUIRED TO APPEAR BEFORE THE SENATE ON NOV 7

ANA: "Masaya 'to, kasi a-appear na rin sa wakas si Janet sa Senado matapos ang (delaying tactics) ni SP Frank Drilon porke halos 'sang buwan INANTALA ito ni SP sa ipinatatawag na imbestigasyon ng Senate Blue Ribbon Committee ni Sen Gunggongna, 'di ba?"

LISA: "Tumpak ka r'yan 'ga. Sinadyang ibalam ng sapat-sapat na panahon ang pagharap ni Janet sa Senate investigation para makagawa siya ng deposition, sa tulong ni SP? na pirmado siempre ni Janet at hindi na mababago ano man ang posibleng AKSIDENTE na maaaring ikamatay niya habang patungo ito sa kanyang hearing sa Senado sa Nov 7, peksman!"

CION: "Ang tatalino n'yo 'day, sobra. Napansin n'yo rin ba na halatado ngayon ang pananahimik ng 3-itlog na tila naBUGOK sa laki ng kakaharaping problema? O, anong say n'yo, ha?"

EX-GENERALS TO PNOY: GIVE UP YOUR PORK

ANA: "Susmaryopes, bakit nakisawsaw na naman ang Military sa political issue na lumiligalig sa Phl? Sadyang nagbubuhos ba sila ng gasolina sa nagliliyab nang isyu ng pandarambong na pinangungunahan ng mga legislators?"

LISA: "Ay, sinabi mo. Kung tutuusin nga eh utak-military ang pag-iisip ni Janet Lim-Napoles porke dating kasapi sa Marines ang kanyang asawa na si Jaime, 'di ba? Samakatwid, 'yung istilo ngayon ng pandarambong ng mga legislaTONGs at OXOcutives eh hango sa utak ng Military, partikular sa utak ng mga PMAers, peksman!!!"

CION: "Tumpak kayo 'day, ang g'leng-gleng n'yo, wala na akong masasabi pa maliban sa higing ng utak ko, for sure, na merong kinalaman ang pakikialam  na'to ng Military dahil sa UTOS nina onorabols JPE at Punasang?"

QUALIFIED SEDUCTION

ANA: "Meron nagsabing qualified seduction daw ang dramang ito sa buhay ni Freddie 'Anak' Aguilar, kase, 16 anyos lang ang kanyang girlfriend na balak niyang pakasalan, 'lamoba'yon?"

LISA: "Ay, sinabi mo. Ang payo nga ni ex-Monsi Oscar Cruz eh hintayin daw ni Lolo Freddie na sumapit ang dalaginding na nililiyag sa edad na 18, bago sila magpakasal legally, para walang hassle, o, 'di ba?"

CION: "Kung 2-taon pa pala ang hihintayin ni Lolo para ligal na mapakasalan ang kanyang girlfriend, t'yak na gagamit na si Lolo ng viagra bago niya mabarukbok ang dalaginding na waswit, peksman. Pero kung sakaling mabubuntis ngayong panahon ang dalaginding ni Lolo sa tindi ng gigil, EBIDENSIYA ito para makukulong siya. Hay, sana nga, juice ko pong mahabaGIN!!!"

SENATORS BICKER OVER PORK BARREL

ANA: "Naku naman, 'ala man lamang bang nakaisip at magsingit sa kanilang agenda kung ANO ang magagawang TULONG ng buong Senado re: Bohol Tragedy sa ipinatawag nilang caucus o closed door meeting kahapon?"

LISA: "Eh, trabaho kasi ng executive branch of gov't 'yan! Tingnan mo ang  pagsisiga-sigaan ni Sen Junggoy habang nasa closed door meeting na ayon sa report eh binu-bully ang mga kapwa senatong na akala niya eh pawang mga kindergarten students sila, 'di ba?"

CION: "Umuusok siya sa galit, kase, pinasasauli sa kanya 'yung mga HAM sandwiches na dinukwang niya mula sa mga bag ng kaklase niya samantalang  naLAMON na niya ito LAHAT-LAHAT! Pa'no nga naman niya maisasauli ang ham kung nabundat na siya, noh?"

NOTICE OF DISALLOWANCE

ANA: "Oy, 'lamobang nag-anyong sanggano si Sen Junggoy 'gaya ni Asiong Salonga nang makipagSAGUTAN (debate?) sa isang abogadang hepe pa man din ng COA re: perang nilustay ng una para sa pansarili mula sa PDAF?"

LISA: "Tumpak ka r'yan 'ga. Katulad nga nina JPE, isa ring dekalembang na lawyer at ang taartits na si Amazing Kap, ang sinisisi ng una sa pangungulimbat ng pera ng bayan eh si ma'am Gigi na dati niyang CoS, samantalang ang taartits naman eh pineke umano ang kanyang pirma? Susmaryopes na senatong kayo!!!"

CION: "Mabuti nga na pinadalhan sila ng COA ng Notice of Disallowance para maisauli ang mga kinulimbat na PDAF, otherwise, eh maaaring kumpiskahin ng gov't ang kanilang mga ari-arian. Perfect, 'di ba?"

BRENDA: IF YOU DON'T GET IT, YOU ARE A FOOL

ANA: "Satiriko talaga 'tong si Sen Brenda, sabi niya kase - bugok kang politiko ka kung 'di mo alam na merong gustong ipahiwatig ang INC - o, 'di ba?"

LISA: "Korek ka r'yan 'ga. 'Di tayo mga politiko and therefore 'di rin tayo mga bugok, pero alam-na-alam natin ang gustong ipabatid sa publiko ng INC - ibasura ang PDAF and DAP for good. 'Yun lang!!!"

CION: "Tumpak! 'Tsaka, isama rin sa imbestigasyon sina aBAD, Drilon at lahat ng senatong na tumanggap ng tig-P50M suhol mula kina aBAD at Drilon, at kasuhan sila ng plunder kung merong malakas na ebidensiya. Mapipilitang pansamantalang magsasara ang Legislative branch of gov't KUNG mawawalan ng quorum ang Senado, t'yak 'yon!"

REQUIRE MC DRIVERS TO TRAIN ON ROAD SAFETY

ANA: "Ano ba naman 'TONG si promdi congreaseman Sarmiento na tila 'di dumaan sa physical safety riding test para sa pagmamaneho ng motorsiklo pero nabigyan ng driver lisence mula sa LTO dahil sa nakipagPALAGAYAN lang ito doon?"

LISA: "Oo nga 'ga. 'Yan ang hirap sa mga legislatong na 'di natitighaw ang talento sa paggawa ng pagkakaperahan, hhmmp! Bakit oobligahin ni promdi tongresman Sarmiento ang mga motorcycle dealers na sila ang magsagawa ng function ng LTO re: physical safety driving test sa mga bumibili ng motorsiklo, ha?"

CION: "Ang akala marahil ni promdi tongresman Sarmiento, lahat ng bumibili ng motorsiklo eh kagaya niyang nagkaroon ng driver license mula sa LTO na hindi dumaan sa safety driving test dahil nagLAGAY? Hay naku, maligtasan nawa ni promdi tongresman Sarmiento at 'wag matigok sa bawat aksidenteng kakaharapin nito habang nagmomotorsiklo, kase, walang physical driving test mula sa LTO, 'di ba?"

P100M EACH FOR 6 SENATORS FROM DBM/DRILON?

ANA: "Nakalulungkot naman ang utay-utay nating natutuklasan hinggil sa umano'y releasing ng DAP mula kina aBAD at Sen Drilon bilang SUHOL daw sa 6 na senatong, noh? Sino-sino sila, kilala mo?"

LISA: "Siempre, sikat na sikat sila sa buong Pinas, kase, makapal na ang nakakulapol na apog sa kanilang mukha dahil nangangatuwiran pang pineke lamang daw ang kanilang pirma kung kaya nai-release ang milyon-milyong suhol sa kanila? Juice ko pong mahabaGIN!!!"

CION: "Alam n'yo bang wala nang natitira pang dignidad o katiting na kahihiyan man lamang sa mga legislatong na 'to, kasama ang kani-kanilang bayarang-tao na nag-uurutan na rin hanggang dito sa internet, 'di ba onorabol Amazing Kap, Sir? T'yak na walang quorum ang Senado kung makakasuhan ng plunder ang mga senatong na 'to, peksman!"

SPEAKER SB: VERBOTEN

ANA: "Eh. bakit gumagamit pa ng salitang Aleman si House Speaker SB para lang HINDI masyadong maintindihan ng publiko na gusto niya, personally, na tuloy-tuloy pa rin ang PDAF?"

LISA: "Ang ibig sabihin kasi ng German word na VERBOTEN na ginamit ni SB means forbidden or prohibited sa wikang Ingles, ie, (Post-GAA determination by legislator is verboten)."

CION: "Samantala, tila meron ding kabulungan si Sen Ang Ara sa SC, kase, sinasabi niyang hayaan na raw ng mga onorabol legislatong na ang SC ang gagawa ng MANDATO kung permanente o kada taon lang na tatanggalin ang PDAF? Magkano, onorabol inJustiis Carps, Sir?" 

RECTO: P130B MALAMPAYA FUND GONE

ANA: "Si Mr Vilma Recto, sa palagay ko, eh merong pagka-lackadaisical. Ano naman sa palagay mo ha?"

LISA: "Lackadaisical, ibig sabihin sa Tagalog, nangangarap? Ay tumpak ka r'yan 'ga. Eh pinipilit na pagtakpan ni Mr Vilma ang kanyang naunang palpak na pahayag na ayon sa kanyang mapangaraping utak eh NALUSTAY na raw ni PNoy ang P130B balanse ng Malampaya Fund?"

CION: "Natural lang sa trapong si Mr Vilma na maghanap ng PALUSOT para mapagtakpan ang kanyang pagka-PAHIYA sa mga palpak na pahayag nito re Malampaya Fund, na sa halip na makaungos sa kanyang pamumulitika, eh baka itakwil pa siya ngayon ng kanyang kinaanibang partidong mismo'y binabatikos nito. SUWAIL!!!"

INSIPID AND INSIDIOUS

ANA: "Oy, 'lamobang 'yung batikos ni PNoy's partymate na si Mr Vilma Recto at pinatatamaan mismo niya si PNoy 'gaya ng walang sawang pagbabatikos din ng UNA, eh INSIPID and INSIDIOUS, ayon ke CDQ sa kanyang kolum ngayong araw?"

LISA: "Oo nga 'ga. Ibig sabihin eh walang kalatoy-latoy (insipid) bukod pa sa mapanira (insidious), kase, wala namang intensiyon ang mga kalaban sa politika ni PNoy kundi ang maghasik at sindakin ang isipan ng publiko vs PNoy na 'sing-corrupt din umano siya nina Erap at Ate Glo?"

CION: "Korek kayo r'yan 'day. Mantakin n'yong nag-SS (imbento) ng istorya na animo Reporter si Mr Vilma Recto na nawawala ang P130 BILYON pondo ng Malampaya, pero kagyat namang pinasinungalingan ito ni Dep Treas Christine Sanchez porke P140B umano ang totoong balanse ng Malampaya Fund which amount is under a special account in the GF. O, kitam, Mr Vilma?"

IS DAP UNCONSTITUTIONAL?

ANA: "Ang tanong kahapon sa SC hearing ni SC Justice Tony Carpio sa mga kumo-kuestiyon sa ligalidad ng PDAF at DAF eh sinagot ng (unconstitutional) daw ito, ayon ke Atty Alfredo Molo III, abogado ng talunang kandidatong senador Grego Belgica."

LISA: "Ang Presidential Decree (PD) No. 910 na inisyu ni Diktador Ferdie Marcos no'ng 1976 - (Authorizing the President to use proceeds from the Malampaya gas project off Palawan province for other projects other than energy development) - eh UNCONSTITUTIONAL? Kailan pa?"

CION: "Matatandaan na ang isyung ito mismo eh dumaan na rin sa pagdinig ng SC at dalawang-beses pang idineklara na CONSITUTIONAL ang PDAF, 'di ba Fred Molo? O, baka naman sour grapes lang ito ni Onorabol Carpio, hhmm?" 

MALAMPAYA FUND IS COVERED UNDER A PD

ANA: "Eh meron naman palang pinagbabasehang presidential decree o PD ang Malacanang para legal na magamit ang Malampaya Fund, ayon ke Spokesman Lacierda, o, 'di ba?"

LISA: "Oo nga 'ga. Pero masyadong matabil ang dila ng mga abogadong de-kalembang na sina ex-Sen Joker, Sen Brenda at ngayo'y kakosa sa LP na si Mr. Vilma Recto, na kesyo puedeng kasuhan ng plunder si PNoy pagkatapos ng term nito?"

CION: "Kasi nga 'day, ang pinagbabatayan nila eh wala pa umanong batas na ipinasa ang 2-TONGgreso para lustayin ng Malacanang ang bilyon-bilyong kuarta mula sa Malampaya Fund! Hay, juice ko pong mahabaGIN naman, naman, namannnn!!!"

QC IDLE LAND OWNERS TO TURN THEM INTO PARKING LOTS?

ANA: "Kung iko-convert ni QC Mayor Bistek ang lahat ng bakanteng lote sa QC para gagawin daw na paradahan ng mga sasakyan, hindi kaya naghihikayat lamang si yorme ng pagkakakitaang ligal ng kanyang palakpak boys a la istilong mafia?"

LISA: "Korek ka r'yan 'ga, nasisilip mo rin ang nasisilip ko. Kasi, kakasangkapanin ni Bistek ang City Council para magpasa ng ordinansa na kunwari eh uupahan ng QC gov't ang mga bakanteng lote sa buong QC mula sa mga nagmamay-ari nito pero kalaunan eh kakasuhan dahil sa mga imbentong kaso vs landowner at tuluyang kukumpiskahin ang kanilang property?."

CION: "Napaka-simpleng solusyon lang naman ang problema ni Bistek. Bakit 'di na lang niya kopyahin ang batas ng HongKong at Singapore re: traffic regulation na hindi puwedeng bumili ng pribadong sasakyan ang sino mang buyer kung walang sariling garahe ito sa bahay? Very simple, 'di ba?" 

REALIGNMENT IS THE MODUS OPERANDI

ANA: "Oy, 'lamobang sina senatong Junggoy, Amazing Kap, Bongget at Tito Sen eh pare-pareho ang modus-operandi kung pa'no sila magnakaw ng kuarta mula sa kaban ng bayan? Pineke raw ang kanilang pirma kaya pinayagang ma-release ng DBM ang P100M pork barrel ng bawat isa sa kanila. Mantakin mo 'yon?"

LISA: "Korek ka r'yan 'ga. Peke umano ang pirma ng letter-request for realignment of PDAF ng 4 na legislatong sa DBM para ilipat sa National Livelihood Development Corp (NLDC) na siya namang gagawa ng endorsement sa SABSABAN ni Janet para sa implementasyon kuno ng proyekto."

CION: "Ang special allotment release order (SARO) No. E-11-01881 dated Dec 6, 2011 ni Amazing Kap; SARO No. E-11-1882 dated March 16, 2012 ni Junggoy; SARO No. E-11-1883 dated March 16, 2012 ni Bongget; at, SARO No. E-11-1884 dated March 21, 1884 ni Tito Sen, eh pawang umano'y PEKE ang pirma ng 4 na senatong. Juice na mahabaGIN!!!"

6 EX-PNP TOP OFFICIALS ARRAIGNED

ANA: "Binasahan ng kasong graft ang 6 ex-PNP top official ng Sandiganbayan kahapon. Eh, hindi ba dapat eh kasong plunder na walang piyansa ang charges? Kasi, binayaran ng P131.5M ang biniling 75 units of rubber boats na hindi magamit dahil hindi lumulutang sa baha?"

LISA: "Ay, oo nga. Kapag somobra sa P50M ang dinambong na halaga ng kuwarta mula sa kaban ng bayan eh plunder nga sana ang dapat na ikakaso at hindi ordinaryong graft charges lamang para makakapag-piyansa ang mga mandarambong."

CION: "Wala na sigurong opisyal ng AFP o PNP ang makakagawa ng katapangan ni ex-AFP CoS Angie Reyes na sobrang manipis ng kanyang kara at kahihiyan re: anomaly na kinasangkutan niya, kaya nagbaril na lamang sa sarili. Sa kaso ni Versosa et al, pakapalan sila ng APOG sa mukha!" 

PNOY: DOCTORED 4 MECHANISMS ADD UP TO P1 TRILLION YEARLY

ANA: "Oy 'lamo, sa halip na mapikon eh sinagot ng diretso ni PNoy ang kanyang a la kokak na mga kritiko at isiniwalat ang apat (4) na mekanismong ginagamit sa pandarambong no'ng panahon ni Ate Glo."

LISA: "Oo nga 'ga. Ang 4 na nasabing mekanismo na para kang nagdarasal ng rosaryo na paulit-ulit kada taon; 1. reenactment budget, 2. Malampaya fund, 3. rice importation, at 4. padrino system, eh itinigil na mula pa ng humaliling maupo bilang Pangulo si PNoy."

CION: "Korek kayo r'yan, 'day. Uma-average sa P1 trillion every year sa loob ng halos 10-taon ang dinurugas ng mga palakpak people ni Ate Glo at ang iba rito eh namamayagpag pa rin hanggang sa kasalukuyan sa ilalim ng PNoy administration. Sila ang animo natubigang mga palaka na walang maipakitang ebidensiya vs PNoy maliban sa verbal at walang habas na pang-iinsulto below-the-belt!"