QUINTESSENCE

ANA: "Para sa'ken eh tama lahat 'yung mga tinalakay ni Seediykew re comparison niya between Tanda at ni Nelson Mandela. Kase, nakapaghugas-kamay na sana si Tanda mula sa pagiging berdugo nito vs Pinoy no'ng panahon ng Martial Law nang pangunahan niya bilang presiding senator-judge ng Impeachment Court, ang impeachment ni SC chief justice Corona, o, 'di ba?"

LISA: "Uh-unga 'ga. A la HUWARAN (quintessence) pa kase ang mga salita ni Tanda na kesyo naka-impake na raw ang mga gamit nito, baon pa man din ang librong sinulat ni Mandela, at handa na raw itong magpakulong para MAGBASA kapag inaresto, dahil kasangkot siya sa bilyon-bilyong kaso ng PANDARAMBONG na walang piyansa. Pero, sinasalungat naman ang kahandaang magpakulong ni Tanda ng kanyang de-kalembang na abogado, Jose Flaminiano - pleading that Tanda be kept out of jail on the grounds of old age! Ano ba talaga, Kuya?"

CION: "Si Mandela eh nakulong ng halos 30-taon sa kanyang bansa sa South Africa for UNWAVERING PRINCIPLE (ipinaglaban niya ang pantay-pantay na karapatan ng lahing Itim at Puti sa buong Mundo). Samantala, si Tanda eh makukulong ng walang-piyansa (life) dahil naman sa pangungulimbat ng bilyon-bilyong halaga mula sa kaban-ng-bayan (taxpayers' money), kakutsaba ang kapwa niya mga senaTONG at TONGresmen. Nauna nang nakapiit si ex-Pres Gloria at napatalsik si ex-SC CJ Corona sa panahon ng panunungkulan ni PNoy. Hay, nakakahiya kayo, grabe!!!"